Азиз Мурадиллаев: абалым жакшы, жардам берем дегендерге ыраазымын
БИШКЕК, 5-окт. — Sputnik. Актер, "Курманжан датка" тасмасында Алымбек датканын ролун жараткан Азиз Мурадиллаев абалы жакшы экенин айтып, жардам берем деген күйөрмандарына ыраазы экенин билдирди.
Эскертсек, буга чейин Facebook социалдык тармагындагы баракчасына белгилүү теле алып баруучу Ассоль Молдокматова таланттуу актер Азиз Мурадиллаевге жардам керектигин жазган.
"Актер Азиз Мурадиллаевдин боорун алмаштыруу керек. Кайдыгер карабаган жарандарды кол кабыш кылууга чакырам. 25-октябрда концерт марафон уюштурабыз. Келгиле, баарыбыз жардам берели", — деп жазган.
Ал эми Мурадилаев учурда ооруканада экенин, боор тарткан күйөрмандарына ыраазы экенин айтып, абалы жакшы экенин билдирди.
Актер менен буга чейин болгон маекти Sputnik Кыргызстан агенттигинин материалынан окуңуздар>>
