БИШКЕК, 4-окт. — Sputnik. Шейшемби күнү Балыкчыда Жамааттык коопсуздук келишим уюмуна (ЖККУ) мүчө мамлекеттердин ыкчам аракеттеги аскер күчтөрүнүн "Рубеж-2016" аттуу машыгуулары баштала турганын Башкы штаб билдирди.
"Тоолуу аймакта согуштук аракеттерге даярдануу жана өткөрүү" темасындагы машыгуулар 4-7-октябрь күндөрү "Эдельвейс" аскер полигонунда өтмөкчү. Ага Кыргызстан, Россия, Казакстандын жоокерлери менен КРдин ИИМ жана ӨКМнин атайын дайындоодогу өздүк курамы катышат.
Эскерте кетсек, буга чейин 15-21-сентябрь күндөрү "Эдельвейсте" Шанхай кызматташтык уюмунун "Тынчтык миссиясы-2016" аттуу машыгуулары өтүп, ага Кыргызстан, Тажикстан, Россия, Кытай жана Казакстандын аскер күчтөрү катышкан.
