БИШКЕК, 30-сен. — Sputnik. Вице-премьер-министр Жеңиш Разаков Санкт-Петербург шаарынын губернатору Георгий Полтавченко менен аймак аралык кызматташуу жана мигранттар түшүп калып жаткан кара тизме маселесин талкуулады. Бул туурасында өкмөттүн маалымат кызматы кабарлады.
Разаков бүгүн "Жолдордогу коопсуздук жашоонун коопсуздугу үчүн" VI Эл аралык конгрессине катышты.
Тараптар Кыргызстандын эмгек мигранттарынын маселесин талкуулады.
Вице-премьер кара тизменин кыскартылышына карабастан кыргызстандык жарандардын саны көп бойдон калып жатканын айтты.
Разаков биргелешкен аракеттерге жана Кыргызстандын ЕАЭБдеги мүчөлүгүнөн улам Россия аймагындагы эмгек мигрантарынын абалы бир кыйла жакшыртылышына ишеним артаарын билдирди.
Жолугушууга Ички иштер министри Кашкар Жунушалиев да катышты.
