БИШКЕК, 23-сен. — Sputnik. "Ата Мекен" фракциясы Коомдук телерадиокорпорациясынын башкы директору Илим Карыпбековду өз жыйынына чакырып маалымат ала турганын аталган фракциянын маалымат кызматы билдирди.
Бүгүн, 23-сентябрь күнү "Ата Мекен" Жогорку Кеңештин социалдык маселелер, билим берүү, илим, маданият жана саламаттык сактоо комитетинин төрагасына кайрылган.
Анда депутаттар мамлекеттик маалымат каражаттары Атамбаевдин каршылаштарын каралоочу курал болуп жатканына нааразылык билдиришкен. Ата-мекенчилердин айтымында, аталган ЖМКлар бир тараптуу маалымат берип, Конституцияны өзгөртүүгө каршы чыккан саясатчыларды терс маанайда чагылдырып жатышат.
Мындан улам "Ата Мекен" комитеттин кароосуна мамлекеттик маалымат каражаттарынын объективдүүлүгү боюнча маселени чыгарып, түзүлгөн кырдаал боюнча КТРКнын жетекчиси Илим Карыпбековдон маалымат угууну пландоодо.
