БИШКЕК, 22-сен. — Sputnik. Лондондо өткөн салтанатта 2020-жылы боло турган футбол боюнча Европа чемпионатынын расмий логотиби сунушталды. Бул тууралуу Европа футбол ассоциациясынын расмий сайтында айтылат.
2020-жылдагы Европа чемпионаты анын 60 жылдык мааракесинин урматына 13 шаарда — Амстердам, Баку, Бильбао, Брюссель, Бухарест, Будапешт, Копенгаген, Дублин, Глазго, Мюнхен, Рим, Санкт-Петербург жана Лондондо өтөт.
Жарым финалдык жана финалдык матч Лондондун "Уэмбли" стадионунда болмокчу.
Логотиптин эң башкы элементи болуп ага түшүрүлгөн көпүрө саналат. Ал 13 өлкөнү бириктирип турган биримдиктин белгиси.
