БИШКЕК, 16–сен. — Sputnik. Казакстанда келишимдик негизде аскердик милдет өтөгөндөрдү кыскартып, мөөнөттүү аскердик милдет аткаргандарды көбөйтүү зарыл. Бул тууралуу Сенаттын депутаты (жогорку палата) Дарига Назарбаева билдиргенин РИА Новости жазып чыкты.
Жума күнү сенаттын депутаттары Назарбаеваны эл арадык мамилелер, коргонуу жана коопсуздук боюнча комитеттин палатасынын туруктуу төрайымдыгына дайындоо үчүн добуш берген.
"Өкмөттөн жаштар мектепти бүтүп колледждерге, университеттерге тапшырбай же иштебей жумушсуз жүрөт деп айтып жатабыз. Статистика дагы муну тастыктап жатат", — дейт Дарига Назарбаева.
Жаңы дайындалган төрайым эки жылдык аскердик кызмат өтөөнү кайтаруу маселеси каралышы мүмкүндүгүн жашырган жок.
Учурда Казакстанда жаштар бир жыл аскердик милдет өтөшөт.
