БИШКЕК, 15–сен. — Sputnik. Президент Алмазбек Атамбаев бүгүн, 15-сентябрда Көз карандысыз мамлекеттер шериктештигинин (КМШ) аткаруу комитетинин төрагасы Сергей Лебедевди кабыл алды. Бул тууралуу өлкө башчынын маалымат кызматы билдирди.
Жолугушууда мамлекет башчы Бишкекте өтчү мааракелик саммитке даярдык көрүү боюнча иш чаралар жөнүндө маалыматты укту.
Президент Атамбаев менен КМШнын аткаруучу катчысы Лебедев алдыдагы саммиттин күн тартибин талкуулап, андагы бир катар маанилүү маселелерге токтолду.
Эске сала кетсек, 16-сентябрь күнү Бишкек шаарында КМШ лидерлеринин саммити өтөт.
