БИШКЕК, 14-сен. — Sputnik. Президент Алмазбек Атамбаев КМШ өлкө башчыларынын саммитине карата даярдык тууралуу маалымат алгандыгын мамлекет башчынын аппаратынан кабарлашты.
Билдирмеге караганда Атамбаев тышкы иштер министри Эрлан Абдылдаев менен президенттик аппараттын тышкы саясат бөлүмүнүн жетекчиси Сапар Исаковду кабыл алды.
"Жолугушуунун алкагында мамлекет башчы тышкы саясаттын өнүгүшү тууралуу маалымат алды. Ошондой эле КМШ өлкө башчыларынын саммитине карата көрүлүп жаткан даярдыктар менен кабардар болду", — деп айтылат маалыматта.
Атамбаев тышкы иштер министри Абдылдаевге күтүлүп жаткан саммитти жогорку деңгээлде өткөрүү керектигин эскертти.
