БИШКЕК, 7-сен. — Sputnik. Вице-премьер Гүлмира Кудайбердиева бүгүн, 7-сентябрда Кырчын жайлоосунда өтүп жаткан "Көчмөндөр Ааламы" фестивалынын жабылуу аземинде иш-чараны уюштургандарды жана ага активдүү катышкандарды сыйлады. Бул тууралуу өкмөттүн маалымат кызматы билдирди.
Экинчи дүйнөлүк көчмөндөр оюнун уюштурууга жана өткөрүүгө активдүү катышкандыгы, ошондой эле программадагы сынактардын жыйынтыгы боюнча улуттук тарых жана маданиятты жайылтууга кошкон салымы үчүн премьер-министрдин атынан төмөндөгүлөргө ыраазычылык кат тапшырылды:
- Алтынбек Максутов – "Көчмөндөр ааламы" театралдаштырылган эл аралык этномаданий фестивалынын башкы режиссеру;
- Зайнидин уулу Улан – "Көчмөндөр ааламы" театралдаштырылган эл аралык этномаданий фестивалынын сценарийинин автору;
- Орозбек Айдаров – "Көчмөндөр ааламы" театралдаштырылган эл аралык этномаданий фестивалынын режиссеру;
- Марат Шарафидинов — "Көчмөндөр ааламы" театралдаштырылган эл аралык этномаданий фестивалынын сүрөтчүсү;
- Азамат Жаманкулов – маданият, маалымат жана туризм министринин орун басары, Туризм департаментинин директору;
- Рыскул Боромбаев – Маданият, маалымат жана туризм министрлигине караштуу Улуттук маданий борбордун директору.
Белгилей кетсек, үстүбүздөгү жылдын 3-7-сентябрында Кырчында спорттун ар кыл түрү боюнча таймаштар өтүп, ошондой эле маданий иш-чаралар көрсөтүлгөн. Ар бир облус жайлоого шаарча тигип, меймандарга театралдаштырылган иш-чара, улуттук тамак-аштарды жана кыргыз элинин турмуш-тиричилигин чагылдырган оюн-зоокторду тартуулаган.
