БИШКЕК, 30-авг. — Sputnik. Кыргызстандык жаш жол инспекторлор Алматыда өткөн конкурста үчүнчү орунду алды. Бул тууралуу Чүй облустук Ички иштер башкармалыгы билдирди.
КМШ өлкөлөрүнүн жаш жол инспекторлорунун сынагы 18-август күнү Алматы шаарында болгон.
Аталган сынакта Кыргызстандын намысын Токмок шаарындагы №3 мектептин окуучулары коргошту.
Конкурста биринчи орунду россиялык окуучулар алса, экинчиликти казакстандыктар багынткан.
