БИШКЕК, 25-авг. — Sputnik. Кыргызстандыктардын кыймылсыз мүлк жана унаа үчүн салык төлөөгө жети күн убактысы калды.
Эреже боюнча транспорт салыгын 1-сентябрга чейин, кыймылсыз мүлккө болгон салыкты 2-сентябрга чейин төлөө зарыл.
Эгерде аталган убакытта тиешелүү салыктар төгүлбөсө, транспорт жана үй ээлерине 2 миң сомдук айып салынат. Мындан сырткары, ар бир күн үчүн туум кошулат.
Салыктарды бардык почта бөлүмдөрүндө, банктар аркылуу жана терминалдар аркылуу төлөөгө болот.
Салык төлөөгө берилген убакыт бүткөн соң салыкчылар Кайгуул милициясы менен биргеликте рейддерди жүргүзөт.
