БИШКЕК, 23-авг. — Sputnik. Жекшемби күнү Чүйдүн Аламүдүн районунда ашпозчулар жарышка түшөт. Бул тууралуу уюштуруучулар билдирди.
Фестиваль эгемендүүлүктүн 25 жылдыгына, "Тарых жана маданият" жылынын урматына уюштурулууда.
Катышууну каалагандар үч адамдан турган топ түзүп, 26-августка чейин каттоодон өтүшү керек.
"Катышуучулар өзүлөрү билген ыкма менен аш басып, калыстарга сунуштайт. Калган тамак конокторго тартууланат. Тамак даярдалуучу азыктарга чектөө жок", — деп айтылат маалыматта.
Фестивалдын алкагында аш басуу сынагынан сырткары жарманкелер, ар кыл конкурстар уюштурулат.
