БИШКЕК, 16 авг — Sputnik. Педофилдерди өлүм жазасына тартуу боюнча мыйзам долбоору шейшемби күнү коомдук талкууга коюлду.
Демилгени Жогорку Кеңештеги " Өнүгүү-Прогресс" фракциясы көтөрүп чыкты.
"Балдарды коргоо өлкөдөгү эң башкы маселе болуп саналат. Биз муну дароо чечишибиз керек. Жабырлануучулар зордукчудан коркуп ооз ачпай койгон, акчанын аркасы менен кылмышкерлер жазасыз калган учурлар көп. Андыктан биз бул көрүнүшкө чекит коюшубуз крек", — деп айтылат негиздемеде.
Кыргызстанда СССР доорунда оор кылмышкерлер өлүм жазасына тартылып келген. Ал эми 1998-жылы өлүм жазасына мораторий киргизилген. 2007-жылы өлүм жазасы өмүр бою эркинен ажыратуу менен алмаштырылган.
Бүгүнкү күндө Кытай, Бельгия, Иран, Ирак, АКШнын бир канча штаттарында өлүм жазасы колдонулуп келет. Ал эми педофилдерге карата өлүм жазасын Кытай менен Иран колдонот.
