БИШКЕК, 15-авг. — Sputnik. Бир жума мурун Байланыш операторлор ассоциациясынын (БОА) директору Нурбек Абасканов Кыргызстанда интернет кызматтары кескин кымбаттай турганын билдирген эле. Бул туурасында кененирээк Екатерина Михайлованын материалынан окуп, Дүйнөлүк желени пайдалануу акысы үч эсе көтөрүлөбү же жокпу, билсеңиз болот.
Азырынча Интернетти кадимки тартипте колдонуу мүмкүнчүлүгү бар. Интернет тармагынан көбүрөөк пайда болуш үчүн Sputnik Кыргызстан баарына керектүү боло турган жети сервисти таап чыкты.
Андан тышкары, бирдиктүү салык декларациясын тапшырууда толтурчу кагазды жүктөп алса болот. Аны электрондук тартипте толтурсаңыз, көп убактыңызды үнөмдөгөн болосуз. Биринчиден, ал кагазды ведомствонун өзүнөн сатып алып отурбай, башка жерден чыгарып алсаңыз болот. Экинчиден, электрондук документке эсептегич орнотулган, ал сиздин эсебиңизди бир топ жеңилдетет. Үчүнчүдөн, түшүнүксүз жагдайда атайын кнопканы бассаңыз, түшүндүрмө берет.
2. Ошондой эле Интернеттен сиздин ишиңиз боюнча сот отуруму кайсы убакка белгиленгенин жана аны кароо кайсы баскычка жеткенин билсе болот. Мурда болсо доочу да, жоопкер да сот катчыларына улам чала берип, мазасын ала берчү…
3. КРдин Юстиция министрлигинин сайты лайф-хакты сүйүүчүлөр үчүн өзүнчө эле бир кенч. Мисалы, тиги же бул фирма катталган-катталбаганын билиш кыйын. Айрыкча, мисалы, тиги же бул агенттик аркылуу үй сатып алса болобу же жокпу, билбей турганда мунун пайдасы оголе чоң.
Ошндой эле бул сайттан каалаган мыйзамды эч каттоосуз эле оңой таап алууга болот.
Андан тышкары, оң жагында сизди кызыктырган суроону бере турган жер бар. Мисалы, жоголгон паспортту кайра алыш үчүн эмне кагаздар керек? Адатта жооп бир нече мүнөттө келет.
5. Социалдык фондго которгон төлөмдөрүңүздүн суммасын, кийин пенсияңыздын көлөмү канча болорун билгиңиз келсе ушул сайтты карап турсаңыз болот.
6. Мамлекеттик сатып атуулардын расмий порталы депутаттарга отургуч алууга канча акча кетерин билгиси келген журналисттер эле эмес, ишкерлер үчүн да пайдалуу.
Сайтка компаниянын атынан катталган соң, сиз бала бакчаны күрүч-таруу менен камсыз кылып же кайсы бир тез жардам станциясын оңдоп берүүгө талапкер боло аласыз.
7. Мамлекеттик мүлктү башкаруу фондусунун сайтында кенен-кесири орун-очок алган техникалык прогресстин аркасында мамлекеттик жерди, кафе, мини-базар же акча алмаштыруучу жай ачууга имаратты ижарага алуу канча турарын билсе болот. Бирок азырынча бул эсептегич борбор калаада гана иштейт.
