БИШКЕК, 15-авг.— Sputnik. Чолпон-Ата шаарында бокс боюнча "2016-жылдагы Ысык-Көл кубогу" деп аталган турнир өтөт. Бул туурасында Бокс федерациясынын Ысык-Көл райондук бөлүмүнүн жетекчиси Каныбек Егембаев кабарлады.
16-17 жаштагы спортчулар арасындагы турнир Казакстанда жүргөн активдүү мекендешибиз Алмаз Ибрагимовдун колдоосу менен быйыл бешинчи ирет өткөрүлүп жатат.
Егембаевдин айтымында, турнирге Кыргызстан, Казакстан, Өзбекстан жана Тажикстандын спортчулары катышат.
"Мындай иш-чаралар мамлекеттер арасындагы эки тараптуу жана эл аралык мамилелерди бекемдейт. Турнир Кыргызстандагы бокстун жайылышына көмөкчү болоруна ишенем. Андан сырткары, жаш спортчулар үчүн тажрыйба алууга жакшы шарт түзүп берет", — деп айтты Егембаев.
Турнирдин уюштуруучусу — Бокс федерациясынын Ысык-Көл райондук бөлүмү.
