БИШКЕК, 15-авг. — Sputnik. Эртең, 16-август күнү Кыргызстанда ысыктын илеби кайтып, айрым жерлерде жаан жаай турганын Кыргызгидромет билдирди.
Маалыматка ылайык, Бишкек шаарында жаан-чачын ыктымалдыгы аз. Батыштан соккон шамалдын ылдамдыгы секундасына 4-9 метрге чейин жетет. Түнкүсүн 17…19 градус, күндүз 27…29 градус жылуу болушу күтүлөт.
Ош шаарында түнкүсүн жаан-чачын күтүлбөйт, күндүз жаан жаап, күн күркүрөшү мүмкүн. Абанын түнкү төмөнкү температурасы 19…21 градус, күндүзгү температурасы 29…31 градус жылуу болушу күтүлөт.
Кыргызстандын калган аймагында жаан жаап, күн күркүрөйт. Батыштан соккон шамалдын ылдамдыгы секундасына 4-9 метрден, күндүз кээ бир райондордо 15-20 метрге жетиши күтүлөт.
