БИШКЕК, 12-авг. – Sputnik. Президент Алмазбек Атамбаев Россиянын башчысы Владимир Путинге "кара тизмеден" 119 миң КР жаранын алып салууну өтүнгөн кат жолдоду. Бул тууралуу Миграция боюнча мамлекеттик кызматтын төрага орун басары Алмаз Асанбаев билдирди.
Аталган тизмеге Россиянын мыйзамдарын бузган жарандар кирип, алар өлкөгө кирүү укугунан ажырайт.
"Жакында эле Атамбаев Путинге кат жолдоп, "кара тизмедеги" кыргызстандыктардын баарын алып салууну өтүндү. Анда жалпысынан 119 миң КР жараны катталган", — деди Асанбаев.
Анын айтымында, кыргызстандыктар ишке мыйзамсыз орношкондуктан тизмеге кирип калышкан. Эми ЕАЭБге кирүү менен жумушка орношуу жеңилдеп, мындан улам КР жарандары РФтин мыйзамдарын бузбай калышкан.
Эмгек мигранттары "кара тизмеден" кантип чыга аларын Sputnik инфографикасында көрө аласыздар>>
