БИШКЕК, 9-авг. — Sputnik. Эрежесиз эр уруш боюнча кыргызстандык спортчу Тилек Батыров ONE Championship турнирине катышат. Бул тууралуу турнирдин расмий сайты кабарлайт.
Батыров ONE Championship турниринин убактылуу чемпиону аталуу үчүн Адриано Мораес менен кармашат.
Эскерте кетсек, Тилек Батыров буга чейин катуу травма алган Эндрю Леоненин ордуна чыгып жатат.
Аталган турнир ушул ишемби күнү Кытайдын Макао шаарында өтөт.
27 жаштагы Тилек Батыров профессионалдык ринггде 11 беттеш өткөрүп, анын 10ун утуп алган.
Эгерде учурдагы чемпион жаракатынын айынан беттешке чыга албаса, ордуна чыккан адам убактылуу чемпиондукту талашат. Ал эми ордуна чыккан спортчу жеңүүчү аталса, жаракат алган спортчу менен беттешет.
