Атамбаев эркинен ажыраган 3 миң жаранга мунапыс берди

© Sputnik / Табылды Кадырбеков / Медиабанкка өтүүАбак кызматкери. Архив
Абак кызматкери. Архив - Sputnik Кыргызстан
Жазылуу
Үч айдан кийин Кыргызстан түрмөлөрүнөн үч миң киши эркиндикке чыгат.

БИШКЕК, 6-авг. — Sputnik. Президент Алмазбек Атамбаев эркинен ажыратылгандарга мунапыс жарыялоо боюнча мыйзамга кол койгонун өлкө башчынын маалымат кызматы билдирди.

Мунапыс эгемендүүлүктүн 25 жана Үркүндүн 100 жылдыгына карата берилүүдө. 

Автомат. Архив - Sputnik Кыргызстан
Террористтер жана экстремисттер үчүн жаза күчөтүлөт
Жаза аткаруу мамлекеттик кызматынын (ЖАМК) маалыматы боюнча, бардыгы болуп 3374 жаран эркиндикке чыгат. Ал эми учурда ЖАМК мекемелеринде 10 235 адам болсо, анын 7 999у — соттолгон, 2 236ы — айыпталып жана соттолуп жаткандар.

Мунапыс жарыялангандардын ичинде 11 эрезеге жетелек бала, 10 майып бар. Мындан сырткары, 1267 адам — анчалык оор эмес кылмыш жасагандыгы үчүн соттолгондор, 1862 адам — биринчи жолу өтө оор эмес кылмыш жасагандар. 

Акыркы ирет мунапыс былтыр жарыяланып, анда аялдар менен өспүрүмдөр эркиндикке чыккан.

Жаңылыктар түрмөгү
0