БИШКЕК, 4-авг. — Sputnik. Дүйнөлүк көчмөндөр оюндарында Кыргызстандын атынан катыша турчу спортчулар аныкталганын Жаштар иши, дене тарбия жана спорт боюнча мамлекеттик агенттиктин маалымат кызматы билдирди.
Экинчи Дүйнөлүк көчмөндөр оюндары 3-8-сентбярда Ысык-Көлдө өтөт. Учурда оюндарга катыша турганын 29 мамлекет расмий түрдө тастыктаган.
Тогуз коргоол боюнча өлкө намысын Анарбек Жамакеев, Кубан Сазаев, Аида Керимбекова, Лязат Райымбекова коргойт. Аларды Нурия Султанмуратова машыктырууда.
Sputnik Кыргызстан маалымат агенттиги жана радиосу Дүйнөлүк көчмөндөр оюндарынын расмий медиа өнөктөшү болуп саналат.
