БИШКЕК, 3-авг. — Sputnik. Президент Алмазбек Атамбаев Орус-кыргыз өнүктүрүү фондунун башкармалыгынын төрагасы Кубанычбек Кулматовду кабыл алды. Бул тууралуу өлкө башчынын маалымат кызматы билдирди.
Жолугушуу учурунда Кулматов өлкө башчыга өнүктүрүү фонду тарабынан жасалган жумуштар тууралуу маалымат берди.
"Орус-кыргыз өнүктүрүү фонду 118 миллион сомдук 340 долбоорду жактырды. Алар кыргыз банктары аркылуу ишке ашат", — деп айтылат маалыматта.
Өз кезегинде Атамбаев узак мөөнөттүү жана арзан үстөктөгү насыялар ишкерлерге чоң жардам болорун айтып, кичи жана орто бизнести өнүктүрүү керектигин белгиледи.
