БИШКЕК, 31-июл. — Sputnik. Армениянын борбору Ереванда болгон кагылышуудан улам барымтага алынган дарыгерлер бошотулду. Бул тууралуу өлкөнүн Саламаттык сактоо министрлиги билдирди.
Маалыматка ылайык, 27-июлга караган түнү Ереванда "Сасна црер" куралдуу тобу менен полиция кызматкерлеринин ортосунда атышуу чыгып, андан жабыркагандарга жардам берүү үчүн барган дарыгерлер барымтага алынган.
Эскерте кетсек, 17-июлда эртең менен Армениянын борбору Ереван шаарынын Эребуни аймагындагы полициянын имаратын куралчан топ басып алган. Алар камакка алынган Армениянын "Учредительный парламент" оппозициялык жарандык демилгесинин координатору Жирайр Сефилянды бошотууну талап кылышкан.
