БИШКЕК, 28-июл. — Sputnik. Улуу Ата Мекендик согуштун ардагерлери мурунку "Нарын" ресторанынын имаратын тарыхый музей кылуу демилгесин көтөрүштү. Аталган сунуш Кыргыз-орус славян университетинде өткөн "Фашизмди жеңген биримдик" жыйнагынын бет ачар аземинде айтылды.
Сунушка ылайык, музейге Улуу Ата Мекендик согуш ардагерлеринин сүрөттөрү, курал-жарактары жана буюмдары коюлат.
Авторлордун айтымында, аталган жыйнакта биринчи жолу Панфилов дивизиясынын аскер колбашчылыгы тарабынан даярдалган тарыхый документтер, Улуу Ата Мекендик согуштун биринчи күндөрүндө Брест чебин коргогон кыргызстандык жоокерлердин эрдиги жөнүндө изилдөөлөр чагылдырылат.
Жыйнакта мындан тышкары согуш ардагерлери менен болгон маектер, баяндар, жаңы муундун эскерүүлөрү да камтылган.
