БИШКЕК, 26-июл. — Sputnik. Улуу Ата Мекендик согуш жөнүндө баяндаган уникалдуу тарыхый документтердин "Фашизмди жеңген биримдик" аттуу эки томдуу жыйнагы басмадан чыкты. Бул тууралуу Кыргыз-орус славян университетинин басма сөз кызматы билдирди.
Авторлордун айтымында, жыйнакта биринчи жолу Панфилов дивизиясынын аскер колбашчылыгы тарабынан даярдалган тарыхый документтер, Улуу Ата Мекендик согуштун биринчи күндөрүндө Брест чебин коргогон кыргызстандык жоокерлердин эрдиги жөнүндө изилдөөлөр чагылдырылат.
Жыйнакта мындан тышкары согуш ардагерлери менен болгон маектер, баяндар, жаңы муундун эскерүүлөрү да камтылган.
"Фашизмди жеңген биримдик" жыйнагынын бет ачаары 27-июль күнү Кыргыз-орус славян университетинде өтөт.
