Рим папасы Польшада насыят айтып жаткан жеринен эс-учун жоготту

© Sputnik / Алекс Панциков / Медиабанкка өтүүРим папасы Франциск. Архив
Рим папасы Франциск. Архив - Sputnik Кыргызстан
Жазылуу
Папа Франциск 26-31-июль аралыгында Краковдо өтүп жаткан "Дүйнөлүк жаштар күнү" съездинин алкагында Польшага келген.

БИШКЕК, 28-июл. — Sputnik. Рим папасы Франциск Польшада насыят айтып жаткан жеринен эс-учун жоготуп кулаган. Окуянын видеосун Ассошиэйтед Пресс агенттигине шилтеме берүү менен РИА Новости жазып чыкты.

Сүрөттөгү апта: өрттөнгөн мигранттан тарта мусулмандардын бутун өпкөн Рим папасына чейин
Францисктин капысынан эс-учунан танганы видео жазылмада айкын көрүнүп турат. Анын жанына дин кызматчылары чуркап келип, жардам көрсөтүшкөн. Бул окуядан кийин Рим папасы сөзүн кайра уланткан. 

Мындай көрүнүш эмнеден улам болгондугу азырынча белгисиз.

Папа Франциск 26-31-июль аралыгында Краковдо өтүп жаткан "Дүйнөлүк жаштар күнү" съездинин алкагында Польшага келген. Жергиликтүү бийлик иш-чарага 185 мамлекеттен эки миллионго жакын катышуучулар келерин билдиришкен.

Жаңылыктар түрмөгү
0