БИШКЕК, 28-июл. — Sputnik. Өкмөт башчы Сооронбай Жээнбеков мамлекеттик кызматтардын штатын көбөйтүүгө мораторий киргизди.
Аталган кадам өкмөттүн штаттык көлөмүн азайтуу боюнча түзүлгөн топтун планына карата ишке ашырылууда.
"Мораторий 2017-жылдын аягына чейин күчүндө болот. Ага ылайык, министрликтердеги, облустагы өкүлчүлүктөрдөгү жана акимчиликтердеги штаттарты кеңейтүүгө болбойт", — деп айтылат маалыматта.
Аталган жарлыкка ылайык, мораторийдин күч структураларына тиешеси жок.
