Президент Алмазбек Атамбаев футбол боюнча дүйнө биринчилигинде 2-орунду ээлеген кыздардын курама командасын кабыл алды.
Эске сала кетсек, буга чейин көчө футболу боюнча Кыргызстандын кыздарынын курама командасы Шотландияда өткөн дүйнө биринчилигинде 2-орунду ээлеген.
Атамбаев көчө футболу боюнча кыздардын курама командасына 300 миң сом тапшырып, футбол тобуна кол тамгасын калтырды.
Чейрек финалда кыргызстандыктар 9:2 эсебинде Индиянын курама командасын уткан. Жарым финалда Шотландиялык атаандаштары менен беттешип, аларды 8:3 эсеби менен жеңип алган. Ал эми финалда кыргызстандыктар Мексиканын командасы менен беттешип, аларга 5:0 эсебинде утулган.
Оюндун соңунда кыргызстандык дарбазачы кыз Наталья Гайворонская "Мыкты дарбазачы" наамына ээ болгон.
