БИШКЕК, 8-июл. — Sputnik. Бүгүн, 8-июль күнү Бишкек – Ош унаа жолу кайрадан тосулуп калгандыгы тууралуу ӨКМ билдирди.
Маалыматка караганда эртең мененки саат 9.00дө Таш-Көмүр шаарынын тушунан өткөн Бишкек – Ош унаа жолунун 421-чакырымында ылай аралашкан калдык түшүп жолду каптап калган.
Учурда жолду тазалоо иштери аткарылууда, ага үч инженердик техника тартылган.
Ал эми унаалар кезек-кезеги менен өткөрүлүп, милиция кызматкерлери тарабынан көзөмөлгө алынган. Мындан тышкары, Тез жардам кызматкерлери да бардык жагдайга даяр турушары маалымдалды.
