БИШКЕК, 7-июл. — Sputnik. Россиянын Якутск шаарында (Саха республикасынын борбору) Азия балдары VI эл аралык спорт оюндары башталды.
Эске салсак, эл аралык мелдеш 6-июлдан 16-июлга чейин өтөт. Ага 16 жашка чейинки 30 мамлекеттен келген үч миңден ашык спортчу күч сынашат. Кыргызстандын атынан спорттун 15 түрү боюнча 90 спортчу катышат. Мелдеште жалпысынан спортчулар спорттун 22 түрү боюнча ат салышмакчы.
Иш-чаранын ачылыш аземинде Кыргызстандын желегин дзюдоист Дастан Сарбатов көтөрүп чыкты.
Азия балдары эл аралык спорт оюндары 1996-жылдан бери төрт жылда бирден өтүп келет.
