БИШКЕК, 22-июн. — Sputnik. Кызматтык батир боюнча мыйзам долбоору биринчи окууда колдоо тапты.
Эске салсак, аталган демилге Жогорку Кеӊештин 2016-жылдын 15-июнундагы жыйынында четке кагылган.
Мыйзам долбоору "Республика — Ата-Журт" (РАЖ) фракциясынын депутаттарына таандык. Ага ылайык, депутаттардын кызматтык батири алынып, ижарага алган үйү үчүн компенсация төлөнбөйт. Эл өкүлдөрү автобустарда бекер жүрө албай, өлкө аймагына чыкканда унаа бөлүнбөй калат.
Белгилей кетсек, Жогорку Кеңеш буга чейин кызматтык унаалардан жана бир жардамчыдан баш тартуу мыйзамын кабып алган.
