БИШКЕК, 21-июн. — Sputnik. Сузак айыл өкмөтүндөгү мечиттин бачабаздыкка шектелген 58 жаштагы имамын Сузак райондук соту эки айга камакка алуу чечимин чыгарды. Бул тууралуу Sputnik Кыргызстан агенттигине Жалал-Абад облустук ИИБден билдирди.
Топтолгон материалдардын негизинде Кылмыш жаза кодексинин 130-беренеси боюнча кылмыш иши козголгон. Жүргүзүлгөн ыкчам иш-аракеттеринин натыйжасында 19-июнь күнү кармалып, убактылуу кармоо жайына киргизилген эле.
"Райондук сот аны эки айга камакка алуу баш коргоо чарасын чыгарды", — деп билдирди маалымат кызматы.
Ал эми Кыргызстан мусулмандар дин башкармалыгынын маалымат кызматынын өкүлү Максат Атабаев шектелип жаткан адам мечитте 3-4 жылдан бери иштеп келгенин, учурда муфтият да өз тарабынан ишти териштирип жаткандыгын билдирген.
Шектүү Сузак районунун тургуну жана үй-бүлөлүү.
