Казакстанда террорист деп изделип жаткандардын дагы бири кармалды

Жазылуу
Белгисиз адамдар өткөн жекшембиде, 5-июнда Актөбөдөгү курал саткан эки дүкөнгө жана Улуттук Гвардиянын аскердик бөлүгүнө кол салган.

БИШКЕК, 8-июн. — Sputnik.  Тартип коргоо органдары шаршемби күнү эртең менен Актөбөдөгү террордук актыны жасады деп шектелип, издөөдө жүргөн дагы бир кишини кармады. Бул туурасында Новости-Казахстан агенттигине өлкөнүн Ички иштер министрлигинин өкүлү Алмас Садубаев кабарлады.

"Бүгүн, 8-июнда таңкы саат алтыларда Актөбөнүн Хобда айылында кол салууга катышкан кылмышкерлердин бири кармалды. Калган алтоону издөө иштери уланууда",— деп билдирди Казакстан ИИМ өкүлү. 

Жекшемби күнү кечинде белгисиз адамдар Актөбө шаарындагы курал-жарак саткан дүкөндү тоногон. Алар андан ары жолдо кетип бараткан автобусту күч менен токтотуп, аны менен Улуттук Гвардияга барып кол салган. Ал жердеги атышууда алты аскер кызматкери окко учуп, 38 кишиден ашыгы медициналык жардам үчүн кайрылган. 

Открытие учений сил и средств разведки вооруженных сил стран ОДКБ Поиск-2016 - Sputnik Кыргызстан
Казакстанга террорчулук кооптуулук боюнча "сары" деңгээл киргизилди
Дүйшөмбү күнү кылмышкерлерди издөө операциясы жүргөн. Анда полиция кызматкерлерине каршылык көрсөткөн беш кылмышкер жок кылынып, дагы экөө кармалганы кабарланган.

Казакстандын ИИМи кол салууну "радикалдашкан агымдардын тарапкерлери жасады" деген маалымат берген. Учурда Казакстанда террордук кооптуулуктун кызыл, ал эми жалпы өлкө боюнча 40 күнгө чейин сары деңгээли жарыяланган.

Кол салуулардын кесепетинен аскер кызматкерлери менен жай жарандарды алганда 10дон ашуун киши курман болгон. Алардын сырткары, тогуз киши оор абалда ооруканада жатат.

7-июнга карата Актөбөдө 13 террорчу жок кылынган.

Жаңылыктар түрмөгү
0