Казакстанга террорчулук кооптуулук боюнча "сары" деңгээл киргизилди

© Sputnik / Амир Исаев / Фотобанкка өтүүОткрытие учений сил и средств разведки вооруженных сил стран ОДКБ "Поиск-2016"
Открытие учений сил и средств разведки вооруженных сил стран ОДКБ Поиск-2016 - Sputnik Кыргызстан
Жазылуу
Yandex newsTelegram
ИИМ жашоочуларды кароосуз жаткан буюм-тайымдарга көңүл буруп, шек жараткандарды кармап жибербөөнү эскертип жатышат. Ал эми полициянын паспорт текшерүүлөрүнө түшүнүүчүлүк менен кабыл алып, аларга көмөк көрсөтүүнү суранды.

БИШКЕК, 6-июн. — Sputnik. Казакстан боюнча террордук кооптуулуктун жогорку абалы өкүм сүрүп жатканын билдирген "сары" деңгээл 40 күнгө киргизилди. Бул туурасында Казакстандын террорчулукка каршы түзүлгөн ыкчам штабы кабарлады.

Жекшемби күнү кечинде белгисиз адамдар Актөбө шаарындагы курал-жарак саткан дүкөндү тоногон. Алар андан ары жолдо кетип бараткан автобусту күч менен токтотуп, аны менен Улуттук Гвардияга барып кол салган. Ал жердеги атышууда алты аскер кызматкери окко учуп, ондон ашыгы жаракат алган. Коомдук транспорттун кыймылы токтотулуп, көңүл ачуучу жайлар жабылган. Ал эми атайын аскердик операциянын натыйжасында Актөбөдө 12 террорчу жок кылынган. Казакстандын ички иштер министрлиги учурда алардын 6-7өө изделип жатканын кабарлаган. 

"Түзүлгөн кырдаалдан улам элге террочулуктун кооптуулугу боюнча маалымат берүү жана мамлекеттик системада кооптуулукту камсыз кылуу максатында Казакстандын Алматы, Акмоло, Актөбө, Атырау, Чыгыш-Казакстан, Батыш-Казакстан, Жамбыл, Караганда, Кызыл-Ордо, Кустанай, Мангустоо, Павлодар, Түндүк-Казакстан, Түштүк-Казакстан облустарында жана Астана, Алматы шаарларында террордук кооптуулуктун "сары" деңгээли 40 күнгө киргизилди", — деп айтылат маалыматта. 

Кинолог издөө иштери учурунда. Архив - Sputnik Кыргызстан
Актөбөдөгү кол салуудан кийин из жашырган жети киши изделип жатат
Жашоочуларды кароосуз жаткан буюм-тайымдарга көңүл буруп, шек жараткандарды кармап жибербөөнү эскертип жатышат. Ал эми полициянын паспорт текшерүүлөрүнө түшүнүүчүлүк менен карап, аларга көмөк көрсөтүүнү суранды.

Андан сырткары, жашоочуларды дүрбөлөңгө түшпөй, мамлекеттик органдардын расмий маалыматтары менен иш кылууну эскертип жатышат.

ИИМдин маалыматында учурда Актөбө облусунда кол салгандарды издөө жана кармоо боюнча иштер улантылып жатат. Аталган министрликтин өздүк курамы күчөтүлгөн тартипте кызмат өтөөгө өттү.

Жаңылыктар түрмөгү
0