БИШКЕК, 5-июн. — Sputnik. Казакстандын батышынан орун алган Актөбө шаарында үч жерде атышуу болуп, эки адам жарадар болду деп билдирди Tengrinews.kz.
Басылма алдын ала маалыматтарга жана күбөлөрдүн айтымына таянып, атайын аскердик операция жүрүп жаткандыгын билдирген. Алар "5-кичи район, филармония аймагы жана курал-жарак саткан "Паллада" дүкөнү экенин деп маалымдады.
"Бул аймактардын бардыгын полиция курчап турат жана ал жерде Тез жардам кызматынын бир нече бригадасы жүрөт. Күбөлөрдүн айтымында атышуу түш оой башталган. Алгач, белгисиз адамдар "Спутник" деп аталган кичи райондогу курал саткан дүкөндү тоноп кеткен",— деп жазды агенттик.
Ал эми Новости Казакстан агенттиги "Расмий эмес маалыматтарга караганда, 24-30 курагындагы кишилер аскер бөлүгүнөн барымтага кишилерди алгандыгын, полициянын Илек деп аталган бөлүмүнө кол салгандыгы айтылууда",— деп кабарлады.
Ал эми Tengrinews.kz агенттиги кол салган үч адамдын жок кылынгандыгын, калган бир нече адамдын из жашырып кеткендигин жазды.
05.06.2016 скорее всего старая часть города, р-н вокзала #актобе #перестрелка pic.twitter.com/NYaKdKai5m
— Дархан Калиев (@KKaliyev) 5 июня 2016 г.
Новости-Казахстан атышуу болгон аймакта жашаган адамдар массалык түрдө көчүрүлүп чыгарылгандыгы жана райондун аскерий адамдар тарабынан курчоого алынгандыгын билдирди. Ал жердеги ири жана майда соода жайлары жабылгандыгын кабарлады.
Атышуудан улам, 20га чукул адам жаракат алып, алар шаардык ооруканаларга жеткирилгендиги маалымдалды.
"Жарадар болгондор көп. Тез жардамдын бир нече бригадасы окуя болгон жерге чыгып кетти. Жарадарлардын саны жыйырмага чукулдап барат. Бирок, каза болгондор туурасында айта албайм",— деп айткан дарыгерлердин бири.
Агенттиктин берген маалыматтарына караганда, жаракат алгандардын арасында жай жарандар жана тонолгон курал саткан дүкөндүн кызматкерлери бар.
Tengrinews.kz. Казакстандын ИИМинин расмий өкүлү Алмас Садубаевге шилтеме кылып, кол салгандар Улуттук Гвардияны да бутага алгандыгын жазды.
Аталган шаар Казакстандагы Актөбө облусунун борбору болуп эсептелет.
