БИШКЕК, 8-июн. — Sputnik. Саламаттык сактоо министри Талантбек Батыралиев газ ташуучу автоунаа жарылып, денеси күйүп калган бейтаптар үчүн кан тапшырганын аталган министрликтин консультанты Елена Баялинова билдирди.
Белгилей кетсек, 6-июнда кечинде газ ташуучу автоунаа жарылып, андан жалпысынан 11 киши жабыркап, алтоо оор абалда ооруканага жеткирилген.
Буга чейин саламаттык сактоо министри Талант Батыралиев, Бишкек улуттук травматология жана ортопедия институтунун жетекчиси Сабырбек Жумабеков денеси күйүп калгандарга көп кан керектигин билдиришкен.
