БИШКЕК, 6-июн. — Sputnik. Колумбиянын борбору Богота шаарында жекшембинин түнүдө 10 миңдеген адам атактуу фотограф Спенсер Туниктин флешмобу үчүн аянтка келип, чечинди.
"Шаардын борборуна келгендер Туниктин сөзүнө макул болуп, дырдай жылаңачтанышты", — деп билдирген Blu радиосу.
Түндүн бир оокумунда аянтка келген эл күндүн салкынына, тагыраагы абанын температурасы 10 градус болгондугуна карабай чечинип сүрөткө түштү.
Акцияга катышкандардын өздөрүнүн эсебинде Боготадагы кафедралдык собордо 10 миңге жакын адам чогулган. Фотограф Туник сүрөттөр менен видеону декабрь айында Боготанын заманбап музейине коюуга убада берди.
