БИШКЕК, 3-июн. — Sputnik. Ысык-Ата районундагы психиатриялык оорукананын медайымы баланы 30 мүнөткө кроваттын башына байлап койгон. Бул тууралуу Башкы прокуратуранын маалымат кызматынан билдиришти.
К.Н. атуу жарандын арызында анын жашы жете элек баласы жогоруда аталган ооруканада дарыланып жаткан учурда А.Ш. аттуу медайым баланы кроваттын башына 30 мүнөткө байлап койгону жазылган.
Аталган факты борбордун профсоюздар жыйынында каралган.
"Бирок маалыматты борбордун жетекчилиги ачыкка чыгарбастан жашырып койгон", — деп айтылат маалыматта.
Соттук-медициналык экспертиза баланын ден соолугуна жеңил зыян келтирилгенин көрсөткөн.
Аталган факты боюнча иш Ысык-Ата райондук сотуна жиберилди.
Ал эми Саламаттык сактоо министрлигине күнөөлүү тараптарды жоопкерчиликке тартуу чарасын көрүү боюнча сунуштама берилди.
