Жээнчороев: президент болчулар кыргыз тилинен комиссия алдында экзамен бербеши керек

© Sputnik / Табылды КадырбековЖогорку Кеңеште "Республика — Ата-Журт" фракциясынан депутат Мирлан Жээнчороев. Архив
Жогорку Кеңеште Республика — Ата-Журт фракциясынан депутат Мирлан Жээнчороев. Архив - Sputnik Кыргызстан
Жазылуу
Эл өкүлү учурда демилге жаңы көтөрүлүп жатканын айтып, мыйзам долбоору даярдалып жатканда коомчулуктун жана башка тийиштүү тараптардын пикири эске алынып, коомдук талкууга коюларын айтат.

БИШКЕК, 3-июн. — Sputnik. Жогорку Кеңеште "Республика — Ата-Журт" фракциясынан депутат Мирлан Жээнчороев президенттикке талапкер болгондордун кыргыз тилин билүү деңгээлин Борбордук шайлоо комиссиясынын алдындагы 12 кишиден турган топ эмес, системалуу тест аныкташы керектигин Sputnik Кыргызстан агенттигине билдирди.

Белгилей кетсек, Жээнчороев бүгүн, 3-июнда фракциянын жыйынында ушундай демилгени көтөргөн.

Эл өкүлү Конституцияда өлкө башчысы болом деген киши кыргыз тилин билүүсү керектиги жазылганын айтып, демилгечилер БШКнын алдындагы атайын топ болбошу керектигин көтөрүп жатканын белгиледи.

Конференцияда катышып аткан киши. Архив - Sputnik Кыргызстан
Тили "орусча чыгып", кыргызчаны үйрөнүп кеткен атка минерлер
"Кыргыз тилин билүү керек деген берене Конституцияда бар, аны эч ким ала албайт. Биз болгону БШКнын алдындагы атайын топ саясый куралга айланбасын деп жатабыз. Чакан гана кишилердин тобу талапкерлердин тагдырын чечип коюп жатат. Андай болбош керек. Кыргыз тилин билет, билбейт деген чечим жалпы система менен, мисалы Кыргызтест сыяктуу сынактар менен аныкталышы керек", — дейт ал.

Жээнчороев учурда мындай демилге жаңы көтөрүлүп жатканын айтып, мыйзам долбоору даярдалып жатканда коомчулуктун жана башка тийиштүү тараптардын пикири дагы эске алынып, коомдук талкууга коюларын баса белгиледи.

Жаңылыктар түрмөгү
0