БИШКЕК, 27-май — Sputnik. Жалал-Абадда кайрадан жер титирөө катталды. Бул тууралуу ӨКМ Сеймология институтуна таянуу менен билдирди.
Маалыматка ылайык, жер титирөө бүгүн, 27-майда саат 12:11лерде болгон. Анын күчү 4 баллга жеткен.
Жер силкинүү очогу Кетмен-Төбө айылынын түштүк-батышынан сегиз чакырым, Көк-Бел айылынын түштүк-чыгышынан сегиз чакырым, Токтогул шаарынын түштүк-чыгышынан 25 чакырым алыстыкта жайгашкан.
Силкинүүнүн күчү Кетмен-Төбө, Көк-Бел айылдарында 4 балл, Токмок, Кара-Көл шаарларында 3 балл болуп сезилди.
Жер титирөөдөн жабыркагандар катталган жок.
Эске сала кетсек, 26-майда да Жалал-Абад облусунда күчү 4,5 баллга жеткен жер силкинүү болгон.
