БИШКЕК, 26-май — Sputnik. Учурда Бишкек шаарынын Фрунзе көчөсүнө сары түстөгү жол чийиндери түшүрүлүп, Исанов көчөсүнүн Киевден Токтогулга чейинки бөлүгү оңдолуп жатат. Бул тууралуу мэрия билдирди.
Маалыматка ылайык, көчөлөрдү калыбына келтирүү иштерин "Бишкекасфальтсервис" муниципалдык ишканасы жүргүзүп жатат. Азыркы тапта тротуарлар реконструкцияланып, чоң жолго асфальт төшөөгө даярдыктар көрүлүүдө.
Ремонт иштерине шаардык бюджеттен акча бөлүнгөн.
План боюнча быйыл борбор калаанын квартал жана кичи район ичиндеги 44 жол оңдолмокчу.
