БИШКЕК, 25-май — Sputnik. Ош технологиялык университетинин студенттери 100гө жакын кароосуз калган балдарга кайрымдуулук жасашты. Бул тууралуу окуу жайдын маалымат кызматынын жетекчиси Рамис Ыдырысов билдирди.
Анын айтымында, иш-чара 1-июнь балдарды коргоо күнүнө карата уюштурулган.
"Мектеп интернаты менен балдар үйүндөгү көрүүсү начар тарбиялануучуларга ысык тамак берилип, концерттик программа уюштурулду", — деди Ыдырысов.
Ал белгилегендей Ош технологиялык университетинин 30га жакын студенттери марафон өткөрүп 10 миң сом каражат чогулта алышкан.
"Аз сумма болсо да балдардын көңүлүн алууга студенттер бардык аракеттерин жумшашты", — деп кошумчалады Ыдырысов.
Иш-чарага келген балдарга ысык тамактан сырткары окуу куралдары белекке берилген.
