Казак министринин айтканы үчүн КР ТИМи Бишкектеги казак элчилигине нота тапшырды

Жазылуу
Тышкы саясат боюнча ведомствого коңшу өлкөнүн өкүлү чакырылып, ага нааразычылык нотасы тапшырылды.

БИШКЕК, 24-май — Sputnik. Кыргызстандын Тышкы иштер министрлигине Казакстандын Кыргызстандагы элчилигинин кичи элчиси Ербол Ахметов чакырылып, ага казак министринин айтканы боюнча нааразычылык нотасы тапшырылды. Бул туурасында ТИМдин маалымат кызматы кабарлады.

Снимок поста в социальной сети Facebook - Sputnik Кыргызстан
Казак министринин кыргыздар боюнча айтканына Казак интернети эмне дейт?
Казакстандын маданият жана спорт министри Арыстанбек Мухамедиулы кечээ, 23-майда кыргыз жазуучу Чыңгыз Айтматовдун чыгармачылыгы боюнча айтып жатып, чет жакта ажаткана жууп жүргөн кыргызстандыктарды көргөндө боору ачый тургандыгын сөз кылган. 

Жолугушуу учурунда казак тарапка тапшылырган нотада Арыстанбек Мухамедиулынын айтканы кыргыз-казак досутук мамилесине туура келбей тургандыгы айтылган.

"Кыргызстандыктарга карата Мухамедиулынын мазактап жана туура эмес маанайда айтылган сөздөрү өлкөнүн коомчулугунда терс маанайдагы талкууну жаратты", — деп айтылат билдирүүдө.

Мындан сырткары кыргыз ТИМи казак тараптан, анын ичинен Казакстандын мамлекеттик каналдары тарабынан Кыргызстанга карата айтылган ар кыл кеп-сөздөрдүн арбын кездеше баштаганын эске салды.

Жаңылыктар түрмөгү
0