БИШКЕК, 22 мая — Sputnik. Шри-Ланкада суу ташкыны жүрүп, табигый кырсык жер көчкү менен коштолду. Кырсыктан улам 500 миң адам жабыркаганын РИА Новости Синьхуа агенттигине таянуу менен жазып чыкты.
Акыркы маалыматтар боюнча суу ташкыны 82 адамдын өмүрүн алды. Буга чейин 71 адамдын каза болгону кабарланган эле.
Бийлик өкүлдөрү жер көчкү астында калган адамдарды издөөнү улантууда. Жардамга жоокерлер да тартылды. Аскер күчтөрүнүн айтымында, көчкү алдында 140ка чукул адам болушу мүмкүн.
Медиктер жеринен жардам көрсөтүүдө. Бирок катаал шарттан улам баарына жардам көрсөтүүгө мүмкүн болбой жаткандыгы айтылып жатат.
Синоптиктердин билдиришинче аймакта дагы катуу шамал жүрүп, нөшөрлөгөн жаан болушу мүмкүн. Мындан улам абал кооптуу бойдон калууда.
