БИШКЕК, 19-май — Sputnik. Кыргызстанда учурда 167 качкын бар, алардын көбү Афганистан менен Сириядан келген. Бул тууралуу Мамлекеттик миграция кызматы билдирди.
Маалыматка ылайык, Кыргызстанда беш мамлекеттин тургундарына качкын макамы берилген. Алардын ичинен эң көбү Афганистандын тургундары (104), экинчи орунда сириялыктар турат (50). Украиналык бозгундардын саны — 10, ирандыктардын саны — 2. Мындан сырткары Мароккодон келген бир киши бар.
Мамлекеттик миграция кызматы Сириядан жакында келген качкындар КР жарандары менен никеге турбаганын белгилейт. Ал эми никеге тургандары болсо Кыргызстанда 15-20 жылдан ашык жашагандыктарын маалымдайт.
Сириянын жарандары качкын статусун алуу боюнча 2012-жылдан тарта кайрыла башташкан. 2012-жылы — 29 киши, 2013-жылы — 72, 2014-жылы — 16, 2015-жылы — 12 жана 2016-жылы бир киши кайрылган.
