БИШКЕК, 15-май — Sputnik. Жогорку Кеңештин Координациялык кеӊеши 18-19-майдагы парламент жыйындарынын күн тартибин бекитти. Бул тууралуу ЖКнын расмий сайтына жарыяланды.
Маалыматка ылайык, 18-майдагы жыйында "Ломбард жана ипотекалык баалуу кагаздар" менен "Эл аралык келишимдерди ратификациялоо боюнча" мыйзам долбоорлору каралат.
Мындан сырткары, жыйын учурунда Кыргызстандын энергетикалык тармагын реформалоо тууралуу токтом долбоору талкууга коюлат.
Ал эми 19-майдагы жыйында "Жогорку Кеӊештин регламенти жөнүндө" мыйзамына өзгөртүүлөрдү киргизүү жөнүндө", "Мүлктү декларациялоо жана легалдаштыруу маселелери жөнүндө айрым мыйзам актыларына өзгөртүүлөрдү киргизүү тууралуу", Качкындар жөнүндө" мыйзамга өзгөртүүлөрдү киргизүү жөнүндө" сыяктуу бир катар мыйзам долбоорлору талкууланат.