БИШКЕК, 14-май — Sputnik. Эртең, 15-майда Кыргызстандын көпчүлүк аймагында нөшөрлөгөн жаан жаай турганын Кыргызгидромет билдирди.
Маалыматка ылайык, бийик тоолуу автожолдордо кар күрткүсү түшүп, жолдор тоңголок, тайгак болот. Батыштан соккон шамалдын ылдамдыгы секундасына 4-9 метрден айрым жерлерде 15-20 метрге чейин жетиши күтүлөт.
Бишкек шаарында жаан жаап, күн күркүрөйт. Батыштан соккон шамалдын ылдамдыгы 4-9 метрден 14 метрге жетет. Абанын температурасы түнкүсүн 12…14 градус, күндүз 22…24 градус болот.
Ош шаарында дагы жаан жаап, күн күркүрөшү мүмкүн. Абанын температурасы түнкүсүн 13…15 градус, күндүз 22…24 градуска чейин көтөрүлөт.
Кыргызгидромет 14-16-майында аба ырайынын туруксуздугунан жана күтүлүп жаткан нөшөрлүү жаан-чачынга байланыштуу республиканын тоолуу жана тоо этектериндеги райондордо сел жүрүшү мүмкүндүгүн эскертет.
