БИШКЕК, 14-май — Sputnik. Биз канчалык эне кадырына жеттик дегенибиз менен өмүр өткүчө анын алдында карыз бойдон калабыз. Бул тууралуу Жогорку Кеңештин төрагасы Чыныбай Турсунбеков энелер күнүнө карата куттуктоо сөзүндө билдирди.
Спикер бу жалганда эмне алаамат болсо, анын баары энелердин жүрөгү аркылуу өтөрүн айтты.
"Эне — очок ээси, бала — пенде ыйыгы, экөөнү ажырым кароого болбойт. Ошондуктан бул майрам — ар бирибиз үчүн эӊ ыйык күн. Биз канчалык эне кадырына жеттик дегенибиз менен өмүр өткүчө анын алдында карыз бойдон калабыз!" — деп айтылат куттуктоодо.
Турсунбеков кыргыз эли абалтадан эле энелерди өзгөчө урматтап, сый мамиле жасаган калк экенин белгиледи.
Турсунбеков энелерди куттуктап жатып аларга чың ден-соолук, узак өмүр, бакубат турмуш каалады.
Эскерте кетсек, бүгүн энелер күнүнө карата президент Алмазбек Атамбаевдин Жарлыгы менен 1902 энени "Баатыр эне" ордени жана алты баланы тарбиялап жаткан 437 аял "Эне даңкы" медалы менен сыйланышты.
