БИШКЕК, 14-май — Sputnik. Лейлек району аркылуу Тажикстандан Кыргызстандын аймагына өтүп келе жаткан төрт тажик жараны кечээ кармалганын билдирди Мамлекеттик чек ара кызматынан.
Тажикстан тараптан келе жаткандардын колунда ким экендигин билдирген документтери болгон эмес.
"Алар Кыргызстанга иштеп, акча табуу үчүн өтүп келишкендиги маалым болду",— деп билдирди аталган ведомствонун маалымат кызматы.
Чек ара кызматынан Кыргызстандын мыйзамдары боюнча кармалган кишилерге администартивдик айып пул салынганын кошумчалашты.
