БИШКЕК, 14-май — Sputnik. Кыргызстандын футбол курама командасы Өзбекстан, Казакстан жана Филиппин өлкөлөрүнүн футболчулары менен жолдоштук оюн өткөрүшөт. Бул тууралуу Футбол федерациясынын маалымат кызматынан билдиришти.
Үч оюндун экөөсүн Бишкекте, бирөөсүн Ташкентте өткөрүү пландалып жатат.
Биринчи беттеш 2-июнда Өзбекстан командасы менен Ташкентте, экинчи оюн 30-августта казактар менен Бишкектеги Дөлөн Өмүрзаков атындагы стадиондо жана үчүнчү оюн 7-сентябрда ошол эле жерде Филиппин футболчулары менен болот.
Жыл ичинде жалпы жети жолдоштук беттеш өткөрүү пландалууда. Алардын төртөөсү Бишкекте, үчөөсү башка өлкөлөрдө өтөт.
