БИШКЕК, 13-май — Sputnik. Эртең, 14-майда Кыргызстандын кээ бир райондорунда жаан жаап, күн күркүрөйт. Бул тууралуу Кыргызгидромет билдирди.
Маалыматка ылайык, бийик тоолуу автожолдордо кар күрткүсү түшүп, жолдор тоңголок, тайгак болот. Батыштан соккон шамалдын ылдамдыгы секундасына 4-9 метрден, айрым жерлерде 15-20 метрге чейин жетет.
Бишкек шаарында түшкө чейин күн ачык болуп, түштөн кийин жаан жаайт. Күндүз 24…26 градус жылуу болот.
Ош шаарында дагы жаан жаап, күн күркүрөйт, күндүз абанын температурасы 26 градуска чейин жогорулайт.
